a present sauf au suppliant se pouruoir comme il verra a fere pour raison. a ceste dite cause recourant a nous jl nous supplie tres humblement le fere jouyr de la de exemption non seullement pour son vsaige mais aussi pour raison de la de marchandise nonobstant le dit empeschement a tout le moings par prouision jusques a ce qu'il ait este par nous pourueu sur la confirmation generale des priuilleges susdt et a ses fins octroye nos lettres de declaration necessaires.

POUR CE EST IL que nous considere les causes qui ont meu notre dit seigneur et pere d'octroyer les dts priuilleges et que les jeunes hommes de notre dite ville sont incitez par telz moiens de recreation a s'exercer honnestement aux armes et se rendre tellement experimentez que nous en puissions tirer seruice en temps et lieu Auons de notre dite certaine science plaine puissance et authorité souueraine declairé et declairons que noz vouloir et jntention sont que les dts presents suppliants et les autres Roys des aultres tirages et successeurs diceulx qui abbattront les dits papegais des dts trois jeux jouyssent des dits priuilleges exemptions et libertés tout ainsi quilz et leurs predecesseurs manants et habitantz de la de ville en ont jouy et vsé par cy deuant tant pour le regard du d' peage de suze que aultres jmpositions et charges jmposees et a jmposer pour quelque maniere que ce soit à la forme de ses priuilleges non seullement pour leur vsaige mais aussi pour les marchandises dont jls font negociation et traffic tant pour le passé que pour l'aduenir et ce par prouision en attendant que nous ayons pourueu sur la confirmation generale des priuilleges de notre de ville ou que aultrement par nous soit ordonné et pourueu que les dts pri

uilleges soubs ombre de la de exemption ne facent plus grand traffic de marchandises quilz faisoient auparauant l'année quilz auront abbattu le dit papagay de chacun des dts lieux et aultrement nabusent du dt priuillege SI VOULONS et vous mandons que en leuant et ostant les dies jnhibitions et empeschemens vous faictes et laissez le dit pict suppliant et autres Roys des dts tiraiges que sont de present et seront pour l'aduenir pendantz le temps susdit jouyr et vser de noz presents vouloir et declaration plainement et paisiblement ensemble des dts priuilleges exemptions et libertés sans leur fere ou donner ny souffrir estre faict mis ou donné aulcun empeschement au contraire. Car tel est notre dit vouloir nonobstant les dtes jnhibitions faites par votre autre declaration portee par votre arrest du vingt huictieme juilliet du d' empeschement fait par notre d' procureur patrimonial et causes y contenues et quelconques aultres mandement et deffense à ce contraires car tel est notre vouloir En tesmoing de quoy auons signées ces des presentes de notre main et jcelles fait sceller de notre scel accoustumé. Donné à Ambronnay le vingt cinquieme jour du mois d'aoust mil Ve soixante-quatre.

Signé E. PHILIBERT.

Semblent raisonnables sauf le bon plaisir de son altesse. Va de Pingon Milliet et Caluxe

et scellees a simple queue pendant.

N° 4.

- 20 juillet 1588

Confirmation de privilléges concédés par S. A. aux Rois des trois tirages de l'harquebouze, l'arc et l'arbareste, en la ville de Chambéry.

Turin, archives de la chambre des comptes. Registres Patentes, années 1601 à 1604, volume n° 23, page 7.

(Arrest du vj julliet 1601.)

Charles Emanuel par la grace de Dieu duc de sauoye Chablaix Aouste et Geneuois prince de piedmont &c. a tous ceux qui ces presentes verront salut. Scauoir faisons qu'ayant veu en nostre priué conseil les privillèges, exemptions, dons, jmmunités, concessions octroies par nos ancestres et predecesseurs specialement par feu d'heureuse memoire le duc Charles par ses patentes données à Thurin le quattrieme septembre mil cinq cens et neufs comme aussi par feu de très heureuse memoire Emanuel Philibert par ses patentes du neufuieme decembre 1570 nos tres honorés seigneurs ayeul et pere que dieu absolue aux rois des trois tirages de nostre ville de Chambery capitale de Sauoye, scauoir de l'arquebouze, arc et arbaleste, veulliant continuer l'affection de nos dts predecesseurs pour exerciter la

11

jeunesse de nostre de ville a honorable jeux et licites, et oster et obuier à l'oisiueté mere de tous vices, affin que par ce moien elle se puisse rendre plus apte au faict des armes pour nostre seruice en tant que de besoing jnclinans à l'humble requeste a nous faicte de la part des scindics, manantz et habitantz de nostre dite ville comme aussi les dts Rois des tirages, et leurs archers par notre amé et feal Me Martin bruiset bourgeois et conseillier de la de ville et d'jcelle delegué a nous Auons de nostre certaine science plaine puissance et aucthorité souueraine, et par l'aduis de nostre d' conseil confirmé appreuué et ratiffié, confirmons appreuuons et ratiffions les susdts privileges, exemptions, jmmunités, dons et concessions octroyés par nos susdts ancestres et predecesseurs aux dts Rois, et archers des tirages de l'arquebouze, arc et arbareste en nostre ville de Chambery, et fauxbourgs d'jcelle a la forme des patentes sus mentionnées concedees par nos dts progeniteurs, et ancestres Voullons ordonnons, et nous plaict, qu'jceulx Rois, archers, bourgeois et habitantz de nostre de ville, jouissent des dts privilleges jmmunités, exemptions, dons, et concessions, riere nos estatz et pais suyvant la forme et teneur d'jcelle, Sans que sur ce leur soit faict aucung tracas ou empeschement, au contraire par aucungs de nos fermiers officiers et ministres, n'y aultres quelconques. Si donnons en mandement a nos tres chers bien ames feaulx conselliers les gens tenantz nostre chambre des comptes au dt pais, a nostre tresorier general ou ses commis presents et advenir et aultres nos officiers et ministres qu'il appertiendra qu'ils laissent jouir plainement et paisiblement les dts Rois des dts tirages et leurs archers du contenu aux pre

sentes selon leur forme et teneur car tel est nostre plaisir. Donnes à Thurin le vingtiesme julliet 1588.

Signé CHARLES EMANUEL.

Va Milliet.

Soubsigné bruyset.

(Scellé en placard.)

N° 5.

8 août 1626

Don annuel de cent ducatons, accordé au roi des arquebusiers par Charles-Emmanuel Ier

Archives de Chambéry.

Charles Emanuel par la grace de Dieu duc de Savoye Chablais aouste et genevois prince de Piémont &c. A nostre très cher bien aimé et feal conseiller et tresorier general en Savoie noble Alexandre Rollia present et autres a l'advenir salut, voulant accroistre le corage et donner plus de moien a la jeunesse de nostre ville de Chambery de frequenter et continuer l'exercice du tirage de l'arquebuze sans lequel les estatz ne peuvent pas estre bien reglez d'autant que par icelluy elle se rend plus propre et plus habile au faict des armes tant necessaire à la conservation des pays, que le créateur