semper sibi vult fore salvas, nec per aliqua quæ dicat vel faciat eisdem intendit renunciare, sed semper sibi vult fore salvas, negat partem adversam fore et fuisse in possessione vel in exercitio seu jurisdictionis puniendi seu limitandi regalias sen itinera, de quibus in præsenti processu mentio habetur, et delinquentes in eisdem, non assentiendo alicui informa- tioni per partem adversam faciendæ, nisi si et quatenus pro parte dalphinali facerent aut adstringeretur de jure, protestans insuper de nullitate processus habiti et habendi.

Visisque litteris domini nostri Karoli regis Dalphini moderni in quibus dicta privilegia dicto prioratui concessa sunt inserta et etiam confirmata forinam quæ sequitur continentes: Karolus primogenitus (ut supra, no 15).

Visisque quatuordecim instrumentis super assisiis tenutis per officiarios dicti prioratus vigore dictorum privilegiorum, in quibus nonnulli ratione itinerum non reparatorum et offensarum in viis et stratis publicis commissarum fuerunt condemnati, quæ quatuordecim instrumenta in hac causa prædicta sunt inserta, quorum instrumentorum primi et ultimi datæ sunt, videlicet primi anno domini millesimo tercentesimo decimo nono, et ultimi millesimo tercentesimo quinquagesimo septimo et quorum duorum instrumentorum tenores per ordinem sequuntur prout ecce:

IN NOMINE DOMINI, AMEN. Anno nativitatis ejusdem domini millesimo tercentesimo decimo nono, die decima nona mensis aprilis, fuerunt assisiæ domus sancti Roberti, tenutæ apud Plantatas, quas tenuit magister Petrus Clocheyronis, judex dictæ domus sancti Roberti pro domino Hugone de Monte Calvo, priore dictæ domus sancti Roberti, et fecit taxatas et condemnationes infrascriptas in hominibus dictæ domus, ut sequitur. Et primo Joannem filium Margarita de Cumbis, quia temerarie percussit Guigonem filium Anthonii Boysonis in manibus cum uno magno baculo et plura verba injuriosa sibi dixit, in quinque solidis. Item Petrum filium Anthonii Boysonis, quia malitiose Joannem filium Maigare arrapuit ad tunicam, in quinque solidis. Item Guillelmum filium dicti Anthonii Boysonis, quia malitiose arrapavit dictum Joannem ad caputium, in quinque solidis. Item Joannem Pasqueti, quia suo ausu temerario venit in curiam Joannis Ponceti, et ibidem quandam bucheylliam de revol accepit et secum portavit, inscio dicto Joanne Ponceti, in quinque solidis. Item Joannem filium dicti Joannis Ponceti, eo quia venit in nemore dicti Petri David et ibidem cepit quandam sochiam de revol quam ibidem Joannes Ponceti dimiserat, inscio dicto Joanne Ponceti, in quinque solidis. Item Petrum Pasqueti, quia spreta pœna sexaginta solidorum apposita et publice præconisata per curiam sancti Roberti, ne aliquis scinderet in

magno nemore Venionis, idem Petrus in dicto nemore scidit quandam quantitatem virgarum. Item Joannem Malpetit de Amictis pro eodem. Item Joannem Alamandi pro eodem. Item Guillelmum Alamandi pro eodem. Item Joannem Malpetit de Plantatis pro eodem. Item Joannem filiastrum suum pro eodem. Item Petrum Reynaudi pro eodem : quia dominus Prior testificatus fuit quod prædicti homines tenent in dicto nemore et certum censum faciunt domui sancti Roberti pro eodem fuerunt absoluti. Item Anselmum Coleti, quia Joannem Cornelli juniorem rixando cum eodem impinxit cum manu, et sibi dixit quod erat chas et malvays, et porra sua de orto suo deportaverat, moderata pœna, quia dixit quod erat ebrius, decem solidis. Item Joannem Servati, quia propria authoritate venit in nemora Margarita de Cumbis, et ibidem tres arbores de quercore et unam cumol scidit et secum portavit, inscia et ignorante dicta Margarita, in quinque solidis. Item Michaelem filium Guigonis Fabri, quia malitiose et injuriose cum cultello suo scidit josclas cum quibus ligati erant boves Joannis Perreti, decem solidis. Item Joannem filium Joannis Perreti, quia cum bobus suis ligatis charieyrando ligna transitum fecit per quandam peciam terræ Michalonis Fabri contra voluntatem ipsius Michaelis, quia probavit per dominum Priorem quod de consensu suo hoc fecit absolutus fuit. Item Michaelem de Minetis, quia irato animo dixit Lancelino Almati quod idem Lancelinus malum faciebat, quia vicinos suos de præcepto Mystralis sancti Roberti exheredabat et damnificabat, et quod de triginta gallinis quas acceperat in domo dictorum vicinorum non deportaverat apud sanctum Robertum, nisi quindecim, in quinque solidis. Item Mignelum Boyssonis, quia ausu suo temerario venit in campo et ibidem duas salices scidit, non obstante quod asseruerit quod habet introitum per locum ubi erant dictæ salices, et hoc ad sui defensionem non probaverit, quod salices plantaverat Michaelis Reymondi, in quinque solidis. Item Michaelem Reymondi, quia authoritate sua clausit quoddam violetum quod movet a quadam pirii arbore recte perveniens usque ad quandam nucem arborem, per quem violetum Hugo Boyssonis et ejus prædecessores consueverunt spatio triginta annorum et plus ad quandam peciam terræ quam habet in manso de Fabuca, in decem solidis, et quod reducat in statum pristinum et appertum teneat dictum violetum, donec per curiam fuerit ordinatum in contrarium. Item Benascinam uxorem Petri Pasqueti, quia suo ausu temerario texorem bannerium sancti Roberti volentem pignorare maritum suum pro damno quod boves sui fecerunt in vinea de Plantatis, ne pignus caperet, et ipsum inclusit infra domum suam tenendo ostium clausum cum veritate, in quinque solidis. Item quia reperitur quod Michael Reynoudi clausit quendam violetum transeuntem per quandam terram quæ est in manso de Fabica, per quem gentes consueverunt ire a quinque annis citra ad aquam de Ventia, excepto uno ansipe ne animalia intrarent in dicta terra, fuit ordinatum per judicem quod dictus Michael Reynoudi dictum violetum in statum pristinum reducat et teneat, donec per curiam in contrarium cognitum fuerit et ordinatum; et quia dictus Michael dictum violetum clausit sine licentia curiæ, condemnavit ipsum in decem solidis. Item Anthonium Befferi filium

Astine Befferi, quia temerarie in quadam trellia Martini Chastagni scidit unam vitem cum suo gry, in quinque solidis. Item Guigonem filium Stephani Bunderti, quia malitiose de quodam lapide percussit Bartholomeum Bonnilli, quinque solidis. Item Petrum Jaffredi, quia Petrum de Meterio percussit de quodam brachio, arrapavit ad capillos et caputium sibi delaniavit, in viginti solidis. Item Joannem Joffredi, quia dictum Petrum de Meyterio percussit de quodam brachio in capite usque ad sanguinis effusionem, in sexaginta solidis. Acta et lecta sunt prædicta judicativa anno, die et loco quibus supra, præsentibus testibus videlicet Joanne Meyselli, domino Bulliers, Petro Etofeyronis et Joanne Malpetit de Plantatis, et pluribus aliis; de quibus omnibus supradictis Guillelmus Clareti Mystralis dictæ domus sancti Roberti petiit sibi et ad opus dicti domini Prioris et domus prædictæ sancti Roberti fieri per me notarium infrascriptum publicum instrumentuni. Actum ut supra. Ego vero Hugo Amistonis clericus authoritate imperiali publicus notarius, qui præmissis præsens fui et requisitus per dictum Guillelmum Clareti Mystralem prædictum, hoc præsens publicum instrumentum scripsi, feci signoque meo signavi et tradidi.

IN NOMINE DOMINI, AMEN. Anno nativitatis ejusdem millesimo tercentesimo quinquagesimo septimo die penultima mensis octobris, apud Costergium sancti Roberti, ante domum Bartholomei Clareti Domicelli fuerunt tenutæ assisiæ domini Prioris prioratus sancti Roberti per nos Franciscum Andream, judicem dicti domini prioris et prioratus prædicti et hominum suorum et terræ ipsius prioratus, quas assisias tenuimus ibidem pro venerabili et religioso viro domino Michaele Moteti, doctore decretorum Prioreque dicti prioratus et conventus ejusdem, ad quam diem prædictam notificatæ erant prædictæ assisiæ sancti Roberti in ecclesia parrochiali sancti Agrippani, astante populo ad divina, et citati erant omnes et singuli contra quos inquisitum fuerat per dictam curiam sancti Roberti, sententiam audituri super inquisitionibus factis contra ipsos, ut retulit suo juramento Jaquemonus de Terrento familiaris domus et curiæ sancti Roberti. Idcirco nos judex prædictus sedentes pro tribunali more majorum, Deum habentes præ oculis, sacrosanctis scripturis positis coram nobis, servata juris solemnitate quam talibus....... Visis etiam et ruminatis inquisitionibus inde factis et processibus earumdem, Dei nomine invocato dicendo sic in nomine Patris et Filii et Spiritus sancti, amen; fecimus taxationes, condemnationes, compositiones et absolutiones infrascriptas in summis et quantitatibus pecuniæ infrascriptis computatis, Turonense argenteo pro tribus solidis et floreno aureo ponderis dalphinalis pro triginta sex solidis Viennensibus (2). Imprimis quia constat nobis judici prædicto quod Stephanus Chastagnii, homo ligius dicti prioratus sancti Roberti, habendo verba contentiosa cum Joanneta uxore Joannis Grop Magneri, eandem Joannetam pluries vocavit puta, et dicendo quod pater suus erat latro; idcirco ipsum Stephanum per testes super hoc convictum, per hanc nostram diffinitivam sententiam, in his scriptis præsentibus condemnamus in novem solidis, et ad injuriam dictæ Joannetæ ipsius taxatione nobis reservata. Item Petrum Chastagni, quia quandam scalam Goneti Seygnoreti authoritate sua cepit et per magnum tempus

custodivit sine licentia cujus erat, igitur ipsum condemnamus in quinque solidis et in emenda damni taxati. Item Joannem Borelli de Buxerata, quia habendo verba contentiosa cum Guillelmo Pateleni, expressit unum plenum siphum vini in terra taliter quod resaltaverit versus faciem dicti Guillelmi et ejus filii et manum posuit ad gladium, igitur ipsum condemnamus in decem solidis et ad injuriam partis contrariæ. Item Guillelmum Patoleni, quia in quodam virgulto Antoniæ filiæ Guigonis Buxerati quondam de Buxerata, authoritate sua extraxit unum pomerium fructiferum, et etiam sibi appropriavit circa unam quartalatam et dimidiam de terra Joannetæ uxoris Bonelli et ejus uxoris, in viginti solidis et ad emendam damni. Item Joannem Barbieni, quia quadam hora suspecta venit ad domum Joanneta Riveriæ et ipsum domum aperuit et intravit, et quendam corcellinum quem dicta Joanneta faciebat de patella accepit, in viginti solidis et ad emendam damni et injuriæ. Item P. trum Ruelli, quia authoritate sua venit ad introitum cujusdam peciæ terræ Lautis Naudi et de cluenda ibidem facta amovit contra voluntatem dieti Lautis, et ipsum Lautis injuriose impinxit, licet allegaverit quod ipse et Anthonius ejus frater per dictam terram habebant passagium quod tamen non probavit, in decem solidis et ad emendam damni et injuriæ, et cætera, salvo jure super passagio utrique parti. Item Anthonium Ruelli, fratrem dicti Petri, ex eadem causa et pro eodem, in decem solidis et ad emendam damni et injuriæ, etc. Item Guillelmum Patoleni, quia cum quadam gaia et lapidibus malitiose champeyavit per nemus Boysseratæ Martinum Bovilli filium Joannis Bovilli, in quinque solidis et ad emendam damni. Item Joannem Audenoudi, quia quandam palam fusteam plenam luto malitiose levavit contra Anthonium Aniandi et ipsum Anthonium effaniavit de dicto luto, in novem solidis et ad injuriam, et cætera. Item Joannem Virardi, quia authoritate sua propria venit ad quoddam curtile Joannis Pareti et cluendam ipsius curtilis fregit et scidit, invito et contradicente dicto Joanne Pareti, et tenendo gladium suum evaginatum dixit eidem Joanni Pareti quod si se poneret super eum ipsum percuteret de dicto gladio, et quendam palum eidem amovere attentavit, licet allegaverit se fecisse prædicta causa capiendi aquam de quodam fonte qui est infra dictum curtile, in quo asserit se et alios vicinos habere percursum, quod tamen non probavit, in viginti solidis et ad emendam damni et injuriæ, salvo jure super percursu aquæ, si probare voluerit. Item Guillelmum Olivati, ex eadem causa et pro eodem, in viginti solidis et ad emendam damni et injuriæ........ Item Joannem Pareli, quod cum de dicto fonte esset quæstio inter dictum Joannem Virardi et Joannem Pareti coram venerabili viro domino Petro Moteti, vicario dicti domini Prioris, dixit quod dictus Joannes Virardi mentiebatur per gulam, in decem solidis et ad injuriam, et cætera. Item dictum Joannem Pareti, quod per dictam curiam contra ipsum inquisitum fuerat, quod ipse occupaverat dictum fontem ad præjudicium dicti Joannis Virardi et Guillelmi Olivati, attento quod ipse fons oritur infra possessionem dicti Joannis Pareti, et quod prædictus Joannes Virardi et Guillelmus Olivati non probaverunt se jus habere capiendi in dicto fonte, licet quandoque ipsi ceperint: idcirco

ipsum Joannem Pareti ab inquisitione prædicta absolutum, salvo jure petendi via ordinaria jus, si quod habent in dicto fonte. Item Guillelmum Ciot, quia cum Jaquemonus de Torenco familiaris et Bannerius dictæ domus sancti Roberti, venisset ad domum ipsius Guillelmi causa ipsum pignorandi mandato dicti domini Petri, ad instantiam Petri Biniffelli, pro quodam debito in quo sibi tenebatur, et quandam ollam cupri cepisset pro pignore, ipsam ollam eidem familiari malitiose abstulit, et demum quendam cacabum de quo ipsum pignorabat dictus familiaris et ipsa pignora eidem familiari dimittere recusavit, spretis pœnis per dictum familiarem appositis, in viginti solidis. Item uxorem dieti Guillelmi quod citata certa die et sub certa pœna...... contra ipsam intitulatis super eo quod dicebatur dicta pignora cum dicto ejus marito dicto familiari amovisse, minime comparere curavit, in decem. Item Guillelmum Chimeti, quia cum bobus suis ligatis ducendo unam luniatam fœni, semel transivit per quandam reciam terræ Petri Matelli, tunc granatam frumento, in quinque solidis et in emenda damni. Itein Jaquemonum de Chorenco, hominem dicti prioratus, quia carnaliter cognovit, ficet coniugatus, quadam vice Joannetam Riverie, stuprum cum ipsa committendo, in viginti solidis. Item Joannem Joffredi, quia quadam die in domo Joannis Malleni malitiose et injuriose Joannem Barberi de pugno pluries percussit, et eum pluries percussisset si potuisset, et eundem Joannem violenter arrapavit et eundem cadere fecit et eum secutus fuit a dicta domo Joannis Malleni usque prope domum Jo innis Fouchonis, in quinquaginta solidis et ad emendam damni et injuriæ. Item Gononum Fabri, quia authoritate sua propria bis aut ter venit ad ostium cujusdam domumculæ Petri Prini ubi est quædam mola, et cum quadam clave ostium apperuit, et quasdam goyas et cultellos amolavit sine licentia dicti Prini, in decem solidis et in emenda damni. Item Margaronam uxorem Joannis Fouchonis, quia injuriose dixit Gonetæ Joannis Carle quod ipsa mentiebatur per gulam, sicuti prava puta, in quinque solidis et ad injuriam. Item Petrum Romani contra quem inquisitum fuerat per dictam curiam, quod ipse sciderat decem onera lignorum in nemore Antonii Cluffleti, attento quod ipse probaverat quod dictus Anthonius sibi vendiderat dicta ligna, ideo ipsum a dicta inquisitione absolvimus, et dictum Antonium, quia temere denuntiavit, in expensis condemnamus. Item Joannem Barberii, quod incidendo in pœnas per curiam appositas, ut omnes et singuli repararent vias et itinera publica juxta possessiones suas, quan. dam sepem versus domum suam quam fecerat super iter minime retraxit, in quinque solidis et ad retractionem sepis. Item Joannem Joffredi, quod juxta possessiones suas dicta itinera minimne reparare curavit, in novem solidis. Item Martinum Bonnelli, ex eadem causa, in novem solidis. Item Joannem Ducis, ex eadem causa et pro eodem, in novem solidis. Item Joannem Boussonis, ex eadem causa, in novem solidis. Item Bernardum Rucli, ex eadem causa, in novem solidis. Item Petrum, ex eadem causa, in novem solidis. Item Joannem Audenoudi, ex eadem causa, in novem solidis. Item Lautis Nandi, ex eadem causa, in novem solidis. Item Anthonium Berbieri, ex eadem causa, in novem solidis. Item Joannem Alamandi de Plantatis, in no