Eugenii divina Providentia Papæ quarti, anno quintodecimo; ego Guilliermus de Cruce clericus, civis Grationopolis, publicus Apostolica et Imperiali auctoritatibus notarius Regius ac Dalphinalis, necnon venerandi in Christo Patris et Domini Domini Aymonis Episcopi Grationopolis secretarius, subexecutor seu commissarius a reverendo patre domino Laurencio Deyrerii, priore Monasterii sancti Laurentii Grationopolis, per priorem soliti gubernari, Ordinis sancti Benedicti, judice et executore Apostolico quarundam litterarum apostolicarum per præfatum sanctissimum Dominum nostrum Papam Eugenium quartum, super unione, annexatione et incorporatione prioratus Excubiarum ac Revestiti, Ordinis sancti Augustini, Grationopolis diocesis, ad humilem supplicationem et requestam venerabilium et religiosorum virorum dominorum Decani et Capituli ecclesiæ Cathedralis beatæ Mariæ Grationopolis, judice et executore unico in favorem dictorum dominorum Decani et Capituli mensæque capitularis dictæ Cathedralis ecclesiæ, specialiter deputato eisdem dominis Decano pro tempore et Capitulo præfatis commissario, prout in ipsius Domini Eugenii Papæ quarti Apostolicis litteris super dicta unione confectis ac processibus inde secutis, inferius insertis, latius videtur contineri, ab eodem domino Laurentio judice et executore apostolico unico, sub illa generali clausula: Cæterum cum ad excequtionem præmissorum ulterius faciendam ad præsens vacare nequeamus, pluribus aliis arduis negotiis legitime præpediti, etc., specialiter deputatus, instantibusque ac requirentibus ipsis domino Decano et Capitulo dictæ ecclesiæ Beatæ Mariæ Grationopolis, ac virtute commissionis michi tanquam notario publico per dictum dominum Laurentium judicem et excecutorem apostolicum unicum factæ, ad dictum prioratum Excubiarum, necnon et Revestiti, Ordinis et Diocesis prædictorum, ab hac præsenti civitate Grationopolitana, in comitura venerabilium et religiosorum virorum dominorum Guilliermi de Commeriis infirmarii et Petri Molerii canonicorum ejusdem ecclesiæ Cathedralis beatæ Mariæ Grationopolis, pro possessione dictorum prioratus Excubiarum et Revestiti juriumque ac pertinentiarum universorum eorundem adhipiscenda, nunciorum ac procuratorum specialiter ex parte dictorum dominorum Decani et Capituli deputatorum atque missorum, me personaliter transtuli, dictumque priora tum, una cum dictis dominis procuratoribus et nunciis ecclesiæ beatæ Mariæ Grationopolitanæ et aliquibus ex canonicis dicti prioratus præsentibus ac testibus infrascriptis, absque aliquali oppositione seu rebellione aut contradictione, intravi, et in stabulis dicti prioratus equos dictorum dominorum Guilliermi et Petri canonicorum, nunciorum prædictorum, meumque logiavimus, in eodemque prioratu per venerabiles religiosos fratres Johannem Bladi et Franciscum Huboudi et Glaudium Medici canonicos dicti prioratus honeste recepti et tractati fuimus. Et demum equis nostris logiatis, ad ecclesiam dicti prioratus, dicti domini canonici ecclesiæ Grationopolis et ego, una cum canonicis dicti prioratus, janua ejusdem ecclesiæ cum clave quam liberabiliter et gratiose ipsi canonici ejusdem prioratus michi notario et commissario supra et infra mentionato exhibuerunt et tradiderunt apperta, nos transtullimus; et orationibus per quemlibet nostrum in conspectu crucifixi et ymaginis gloriosæ virginis Mariæ, ut moris est, genibus flexis factis, eisdem fratribus canonicis dicti prioratus contenta in litteris Apostolicis ac processibus inde secutis, inferius insertis, reverentur et ad plenum legi atque narravi, monendo ipsos canonicos dicti prioratus et quemlibet eorumdem ut eisdem dominis canonicis et nuntiis dictæ ecclesiæ Grationopolis obedientiam devotam atque debitam, nominibus eorundem Dominorum Decani et Capituli dictæ ecclesiæ Grationopolitanæ præstarent ac exhiberent, eisdemque etiam claves, libros, calices, cruces, ornamenta et alia documenta dicto prioratui spectantia et pertinentia traderent, deliberarent ac expedirent, ut de eisdem bonis et aliis ad eorumdem liberum arbitrium, nominibus quorum supra, hiidem domini canonici et procuratores aut nuncii ejusdem ecclesiæ Grationopolitana, tanquam de beneficio ac bonis beneficii mensæ capitulari dictæ ecclesiæ Grationopolis auctoritate Apostolica unitum et imperpetuum incorporatum disponerent. Quibus sic gestis per me notarium et commissarium Apostolicum antedictum atque prolatis, dicti canonici ejusdem prioratus de præmissis unione et incorporatione, ut asserebant, satis certificati, mandatis sanctissimi domini nostri Papæ ac judicis Apostolici præfatis parere et obedire se obtulerunt, et de dicta unione contenti et multum loeti dictas claves tam ecclesiæ quam archarum et aliorum locorum dicti prioratus realiter, incontinenti et de facto in mei notarii et commissarii Apostolici ac testium infrascriptorum præsentia, tradiderunt et liberaverunt, librosque, calices, cruces, vestimenta et alia ornamenta ecclesiastica ejusdem prioratus, in medium deportaverunt et exhibuerunt. Quibus sic liberaliter factis et gestis, obedientiaque in manibus quorum supra per ipsos religiosos dicti prioratus præstita per obsculum pacis, ut moris est, ego dictus Guilliermus notarius et commissarius Apostolicus antedictus, instantibus et requirentibus ipsis dominis Guilliermo et Petro canonicis et procuratoribus ac nuntiis dictæ ecclesiæ Grationopolitanæ, certificatus de meritis dictarum unionis, annexationis et incorporationis prioratus Excubiarum necnon et Revestiti juriumque ac pertinentiarum universorum eorumdem, per dictum dominum Laurentium judicem et executorem Apostolicum auctoritate Apostolica factarum, dictos dominos Guilliermum de Commeriis infirmarium et Petrum Molerii canonicos, ejusdem ecclesiæ Grationopolitanæ nuntios et procuratores per dictos dominos Decanum et Capitulum ad hoc destinatos, in possessionem realem, actualem et corporalem. dicti prioratus Excubiarum et Revestiti juriumque ac membrorum et pertinentiarum universorum ejusdem seu quasi, per traditionem ornamentorum altaris, maparum, indumentorum sacerdotalium, crucis, calicis, pacis, missalium et nonnullorum aliorum librorum in choro et ecclesia dicti prioratus existentium, cordarum campanarum pulsationemque earumdem ac clavium dicti prioratus, et per ingressum et exitum ejusdem ecclesiæ, camerarum prioris et aliarum camerarum et locorum ejusdem prioratus, posui et induxi; ac ipsos canonicos et nuncios, nominibus quibus supra, induxisse et in possessionem realem posuisse libere et absque aliquali violencia, debato seu murmuratione, nemineque contradicente, omnibus et singulis Christi fidelibus harum litterarum seu publici instrumenti serie intimo, insinuo atque notifico; et quam quidem possessionem liberam et expeditam dicti domini Guilliermus et Petrus canonici nuntii, nominibus dominorum Decani et Capituli antedictorum, benigniter intraverunt atque receperunt, nulla protestatione in contrarium facta, nemineque se opponente seu contradicente. Subsequenter sumpto prandio, anno et die prædictis, hiidem domini Guilliermus et Petrus et ego commissarius Apostolicus antedictus, ad prioratum antiquitus in montibus notabiliter constructum et ædifficatum, in quo domini de Ordine Cartusiæ residebant, nos transtullimus, et reperimus dictum prioratum penitus dirruptum, nec est ibidem aliquod hospitium nisi grangia quam dictus dominus Humbertus ædificari fecit. Quos quidem dominos Guilliermum et Petrum, nominibus quibus supra, de dictis prioratu, grangia, pratis, pascuis, pasqueragiis, arboribus et montibus ac juribus et pertinenciis suis universis, prout melius potui, juxta formam meæ commissionis ac unionis ante dictæ, ipsis dominis canonicis instantibus, in realem possessionem posui et induxi. Quæ omnia universa et singula, omnibus et singulis ut supra intimo et notifico, et ad cujuslibet notitiam deduco per præsentes; et quam quidem possessionem dicti domini canonici et procuratores, quibus supra nominibus, ipsi intraverunt et receperunt, ut supra, nemine contradicente seu se opponente. Tenor vero dictorum processuum et Apostolicarum litterarum in eisdem insertarum, de quibus supra fit mencio, sequitur et est talis: In nomine Domini nostri.... (ut supra, no 67). Ego vero Guillermus de Cruce clericus, civis Grationopolis, publicus Apostolica et Imperiali auctoritatibus notarius Regius et Delphinalis, secretarius subexecutorque ac commissarius a reverendo patre domino Laurencio Deyrerii priore, judice et executore Apostolico supranominato, vigore illius generalis clausula Ceterum.... (1): superius descriptæ deputatus, dictos dominos Guillermum de Commeriis et Petrum Molerii canonicos, procuratores seu nuncios per dictos dominos Decanum et Capitulum ecclesiæ Beatæ Mariæ Grationopolitanæ specialiter electos ad hoc et destinatos, in possessionem realem, actualem et corporalem seu quasi dictorum prioratuum Excubiarum et Revestiti, juriumque et pertinentiarum universorum eorumdem, posui et induxi, et alia peregi prout superius est descriptum, præmissisque omnibus, dum sicut præmittitur, una cum dictis testibus præsens fui. Idcirco præsentibus litteris sive publico instrumento aliena manu, me aliis legitime occupato negotiis, fideliter scriptis, sigilloque sententiarum curiæ officialatus Grationopolis munitis, signum meum in principio hujus meæ subscriptionis apposui consuetum, in robur, fidem et testimonium omnium universorum et singulorum præmissorum, requisitus et rogatus. De Cruce. () Voir le n°67, pag. 251. 69. Guirpitio Petri Bot sancti Gervasii de quibusdam possessionibus et domibus. (Anno 1458.) N nomine Domini, amen. Per hoc præsens et publicum instrumentum cunctis fiat manifestum, quod cum Petrus Bot habitator parochiæ sancti Gervasii (teneat et possideat) quasdam possessiones et domos tenentes de feudo et directo dominio Ordinis Excubiarum et Revestiti seu venerabilis Capituli (beatæ Mariæ) Gronopolis, ut idem Petrus asserit esse vera, quæ possessiones faciunt nimium censum, et propter hoc ipse Petrus ipsas possessiones et domos propter nimium censum vult guerpire et quittare dicto venerabili Capitulo, quia non habet unde solvere dictos census nec arreragia per eum debita ad causam dictarum possessionum, prout præmissa omnia dicuntur fore vera; igitur hinc est quod anno Nativitatis ejusdem Domini millesimo quatercentesimo quinquagesimo octavo, et die vicesima prima mensis febroarii apud Ripperiam, parochiæ sancti Gervasii, ante domum Petri Malani alias Ragioni, coram me notario publico et testibus infrascriptis ad hoc vocatis, constitutus personaliter supra nominatus Petrus Bot, sciens, prudens et spontaneus atque gratis, per se et suos hæredes et successores quoscumque in futurum, cessit, guerpivit, desamparavit, concessitque perpetuo penitus et quittavit venerabili Capitulo et religioso viro domino Johanni Bladi sacrista Ordinis Excubiarum et Revestiti præsenti, nomine venerabilis Capituli beatæ Mariæ Gronopolis et in eodem successorum quorumcumque, mihique notario, nomine ipsius Capituli et in eodem successorum stipulanti et recipienti, videlicet omnia et singula jura, omnesque actiones, rationes et requisitiones reales et personales, meras, mixtas, utiles et directas, civiles et præthorias et omnes alias quascumque, quæ et quas ipse Petrus Bot habet, habebat et habere posset, sibique competunt et competere videbantur et videntur, competereque poterunt et competere |