PRIORATUS SANCTI ROBERTI GRATIANOPOLITANI, ORDINIS SANCTI BENEDICTI. U Privilegium Beatricis ducissæ Burgundiæ et comitissæ Albonis ('). (Anno 1209.) T non possit imposterum irritari quod geritur, nec alicujus calumnia revocari, consulte agitur si scripturæ testimonio confirmetur. Ego igitur B. Burgundiæ dicta ducissa et Albonensis comitissa, et ego Andreas Dalphinus filius ejus, considerantes devotionem et affectum caritatis antecessorum nostrorum fundatorum monasterii sancti Roberti Cornilionis, quam benigni et quam benefici ipsi monasterio exstiterint, considerantes etiam instantiæ sedulitatem servorum Christi ibidem pie Deo famulantium, præsentium annotatione et auctoritate notum facimus universis præsentibus et futuris quod ad petitionem et preces venerabilis in Christo patris Joannis Gratianopolitani episcopi, tunc temporis viceprioris præfati monasterii, et ad supplicationem G. procuratoris ejusdem loci et aliorum monacorum ibidem Deo militantium, consilio et voluntate R. venerabilis archiepiscopi Lugdunensis tunc temporis rectoris comitatus, pro animabus nostris, et prædecessorum nostrorum, monasterio dicti loci tale privilegium, indulsimus, ut quicquid possidet in præsenti, vel de feudis militum comitatus, vel eorum qui de genere talium descenderunt, vel des cenderint, vel alias acquisituri sunt Domino annuente in futurum, in prædicti monasterii plenum jus et dominium libere et absolute salvo tamen annuali censu in perpetuum transferatur, et hoc eis laudavimus ego, et filius meus Dalphinus bono animo et sana mente, et filia mea comitissa de Folqulquet (") et dominus archiepiscopus Lugdunensis; atque confirmamus perenniter duraturum, quod totum dederant et confirmaverant præfato monasterio olim antecessores nostri. Verum ne forte aliquibus procedente tempore veniret in dubium hæc nostra donatio, præsentem cartulam conscribi fecimus, et dicto. monasterio dari in testimonium, et ut robur haberet sigillorum nostrorum auctoritate præmuniri. Si quis vero privilegium istud violare præsumpserit, ultione feriatur divina, et induat maledictionem sicut vestimentum. Testes fuerunt Guigo Alamandi, et Odo Alamandi pater hujus, Petrus de Buzio (3) legista, Bertrandus de Bellomonte clericus, Humbertus de Bellomonte clericus. Actum anno ab incarnatione Domini millesimo ducentesimo nono. E longinquitate temporis in oblivionem veniant quæ geruntur, scripturæ solent testimonio roborari. Nos igitur Andreas Dalphinus, Albonis comes et Viennæ, notum facimus omnibus præsentibus et futuris quod pluries accedens ad præsentiam nostram, dilectus noster Guillelmus de Boczocello, prior sancti Roberti sub Cornilione, pro se et conventu ejusdem loci nobis multotiens humiliter supplicavit, ut privilegium libertatis a bonæ memoriæ Guigone comite prædecessore nostro fundatore ipsius monasterii eidem concessum quod in scriptis antiquis, et cartulariis monasterii ipsius continetur, deberemus misericorditer renovare, et sigillis autenticis communire. Nos vero attendentes devotam sedulitatem servorum Dei, in dicto monasterio pie Domino famulantium sub religionis vigore, hospitalitatis et eleemosinæ largitatem, qua ibidem pro posse magnis et minimis subvenitur, quorum bonorum tam nos quam prædecessores et successores nostros qui dictum monasterium fideliter manutenuerint, et ab ipsius injuria, et violentia manum retraxerint confidimus esse participes, ad frequentem dictorum prioris et conventus instantiam prædictum libertatis scriptum sive privilegium renovamus supplentes propter excrescentem malitiam hominum et calumniam evitandam, si quid per simplicitatem, vel ignorantiam in eo obmissum fuerat antiquorum, statuentes et confirmantes, sicut in prædictis scriptis habetur, ne aliquis successorum nostrorum vel eorumdem quisquam, mistralium præsentium seu futurorum a præfato monasterio vel ab ipsius propriis hominibus, ubicumque manserint, firmantias vel bannum, vel expeditiones, vel tallias, vel quæstas, vel credencias ullatenus recipiant, vel requirant, sed tam dictum monasterium quam familia et homines ipsius. plena et perpetua a sæcularis potestatis et tyrannidis servitio gaudeant libertate, ut fratres dicti monasterii quietius et sedulius famulentur domino. Concedimus etiam et confirmamus ut prædictum monasterium per castra nostra, et mandamenta eorum a nobilibus et ab eorum progenie descendentibus feuda nostra possit acquirere quolibet justo titulo, salva tamen nobis censu feudi, sicut a nobis alias et a venerabili matre nostra Beatrice ducissa concessum fuerat et confirmatum. Volentes igitur prædictum monasterium cum pertinentiis suis habitis. et habendis plenariam et inconcussam libertatem habere, sub maledictionis perpetuæ animadversionis divinæ periculo prohibemus, ne aliquis hæredum vel successorum nostrorum prædicti loci vel suorum libertatem infringat, vel fratres super his inquietet, nec supersint contemptores hujus rei qui paternam in hoc malitiam imitentur; et ut præsens pagina plenum et perpetuum robur habeat firmitatis præsens scriptum sigillo domini J. archiepiscopi Viennensis una cum nostro et Beatricis comitissæ uxoris nostræ hoc laudantis sigillis concessimus roborari. Datum apud Moras anno Domini millesimo ducentesimo vigesimo tertio mense maio, præsentibus testibus Guidone de Boczosello (1), Guichardo de Condreu ("), Guil- 3. Testamentum Beatricis duchissa Burgundie (Anno 1228.) N nomine domini nostri Jesu Christi, amen. Ego B. dicta duchissa Burgundie et Vienn. et Albonii comitissa, sic testamentum meum dispono et ordino. Dono enim et concedo et annuo B. comitisse uxori filii mei Delphini mon alberc universaliter, Muram (1), Bellum montem (2), Savellum (3), census de Ausentio (), et quod in manu mea tenebam in mandamento Visiliæ (), Curnilionem () cum appendentiis suis, Vallem (7) cum appendentiis suis, et illud quod tenebam apud Moras (8), et breviter quicquid de redditibus comitatus in hac ultima dispositione teneo vel videor tenere. Tali tamen conditione quod ipsa debet solvere debita mea et reddere helemosinas infra scriptas. Volo enim quod ecclesie sanctimonialium de les Ayes (9), ubi elegi sepulturam, detur condamina de Meiolan (1o), in qua ipse habebant medietatem, cum decem trentaners ovium communium, et cum decem equabus, et cum decem vaccis. Item volo quod abbatie bonarum vallium (1) dentur D solidi pro anniversario acquirendo. Abbatie Calesiensi (12) D solidi pro anniversario acquirendo. Cartusie (1) x1 libras censuales ut ex eis conventus procuretur annuatim in festis Natalis Domini et in quinque festis beate Marie. Volumus etiam dare ecclesie cathedrali beate Marie Gratianop. D solidos pro anniversario acquirendo. Ecclesie beati Andree (14) D solidos pro anniversario acquir. Ecclesie conventuali sancti Laurentii Gratianopolitani x libras pro anniversariis acquirendis. Ecclesie beati Petri foris portam de Viann. (15) x libras pro anniversariis acquirendis. Ecclesie conventuali sanctimonialium de Breisef (1) ccc solidos. Ecclesie sanctimonialium de sancto Paulo (17) cccc solidos pro |