olim ordinatum fuisse per bonæ memoriæ dominum Joannem quondam archiepiscopum Viennensem cum suis ajunctis, quod si aliquo tempore domus de Plantatis a custodia domus Cartusiæ recederet, quod ad nullum alium nisi ad domum sancti Roberti dicti loci de Plantatis custodia deveniret; et religiosus dominus Hugo prior sancti Roberti, nomine suo, sui prioratus et successorum suorum, ex parte altera; necnon frater Guido prior excubiarum, ordinis Cartusiæ, et frater Joannes vicarius Permegniæ, ex parte tertia; ad prædicta terminanda et ordinanda, in fratrem Simeonem priorem domus novæ Coreriæ unanimiter consenserunt, et compromiserunt, et eum ad prædicta terminanda el ordinanda uno animo elegerunt, promittentes omnes partes prædictæ, nominibus quibus supra, voluntatem bona fide et per juramenta ab eis præstita, remotis exceptionibus quibuslibet, dicto fratri Simeoni solemniter stipulanti, ad opus quodcumque interesse poterit, servare et tenere perpetuo quidquid in prædictis et circa prædicta sive de prædictis pro suo libito voluntatis duxerit ordinandum. Qui dictus frater Simeon deliberatione et tractatu cum diligentia super prædictis cum dictis partibus habitis partibusque consentientibus in præsentia mei notarii et testium infrascriptorum super prædictis et circa ea et de eisdem ordinat in modum inferius annotatum. Videlicet quod prior et conventus Cartusiæ, et dominus Desiderius et alii donati superius nominati, priorissa. conventus et vicarius Premogniæ, tradant, cedant et guiriant dictum locum de Plantatis cum suis juribus et possessionibus universis, et cum utensilibus, supellectilibus, carutis, grangiis, ad locum de Plantatis pertinentibus, priori sancti Roberti recipienti perpetuo spiritualiter et temporaliter gubernandum, ita quod ex nunc in antea dictus locus de Plantatis cum suis pertinentiis, agriculturis et juribus, necnon grangiis et possessionibus, salvis infrascriptis, cedat in jus et proprietatem domus sancti Roberti, et eidem domui sancti Roberti adunatum remaneat, adeo quod non possit alicui dari in beneficium, sed semper et continue dictum locum cum suis possessionibus et juribus ad manum suam teneat dicta domus. Retento et salvo domui Cartusiæ in dictis traditione et cessione et etiam ante, quod prior et conventus Cartusiæ sibi retineant et habeant perpetuo de censu bladorum dicti loci de Plantatis quas ubi et quando eligere placuerit triginta sextaria frumenti et viginti sestaria avenæ annua vel eorum æquivalens cum eorum pleno et directo dominio, quæ sestaria vel eorum æstimationem teneatur prior Cartusiæ ex debito sub animæ suæ periculo expendere annis singulis in usus pauperum Cartusiæ advenientium, pro remedio dicti fundatoris animæ et suorum, ut saltem in hac summa bladi per domum Cartusiæ voluntas fundatoris ultima conservetur. Et quod prior et conventus sancti Roberti dent, cedant penitus et quitent dictis priorissæ conventui et vicario Primogniæ prioratum suum dictum de Hemosco, Valentinensis diæcesis, cum suis juribus agriculturis et possessionibus utensilibus et supellectilibus et aliis pertinentiis universis, pro jure si quod dicti priorissa conventus et vicarius Primogniæ habeant in loco de Plantatis et ejus pertinentiis, et quod dicti priorissa conventus et vicarius assideant et assignent priori sancti Roberti nomine quo supra recipienti, de suis et domus Primogniæ censibus, in mandamento de Toyllino ("), quatuor libras et quatuor solidos annuos cum pleno eorum dominio, et procurationes episcopi et archipresbiteri Valentinensis, quæ sunt septuaginta solidi pro episcopo et centum pro archipresbitero, ad quarum procurationum medietatem solvendam dicti prior et conventus sancti Roberti tenebantur, juxta ordinationem dicti fratris Simeonis solvant ex integro ex nunc in antea dicti prior (*) conventus et vicarius Premogniæ, ne dicta domus sancti Roberti, non percipiendo census de Plantatis ex integro et supportando onera de Plantatis inferius annotata, nimium gravaretur; et insuper dicti priorissa, conventus et vicarius Primogniæ, prædicto loco de Hemosco in locum juris si quod habent in loco de Plantatis subrogato, teneantur perpetuo dicere in quolibet officio mortuorum, cum congrue dici poterit, orationem defunctorum quæ incipit Deus cujus proprium, et semel in anno facere unum anniversarium in conventu pro remedio dicti fundatoris animæ et suorum, et festum sancti Roberti annis singulis suo loco et die facere, in memoriam quod dictum locum de Hemosco a domo sancti Roberti in estambium habuerunt. Et ordinat quod prior et conventus sancti Roberti, qui nunc sunt vel qui pro tempore fuerint, teneantur, ex pacto expresso cum eis facto et sub animarum suarum periculo, omni anno dare et distribuere apud Plantatas de bonis de Plantatis, tam in eleemosinam pauperum ibidem advenientium quam in hospitali de Plantatis jacentium et hospitantium, triginta li bratas bladi juxta prætium communiter currens circa festum sanctorum omnium, per manum eleemosinarii apud Plantatas per eosdem ad hoc constituendi et instituendi et per eos ibidem de aliis bonis quam de dicto blado eleemosinæ sustentandi, et qui cappellæ de Plantatis per duos sacerdotes et unum clericum® in missis matutinis et aliis divinis officiis faciat deserviri, et qui dictumn hospitale decenter manuteneant, in hospitalitatem detenti ut in lectis, et recipiendo pauperes cum ibi advenerint, ut ista et infrascripta cedant ad honorem Altissimi et ad remedium animarum eorum qui dictum locum de Plantatis fundaverunt et de suis bonis ibidem suas eleemosinas contulerunt. Et ordinat quod dicti prior et conventus sancti Roberti et qui pro tempore fuerint teneantur ex pacto recipere in domo de Plantatis omnes de ordine Cartusiæ familiares sive religiosos, quacumque hora venerint, et eis decenter ministrare hospitium, lectos, ignem, fenum et stabulum ad opus animalium, et alia quæ circa ista sunt necessaria et utilia, quia sic usque nunc exstitit observatum. Et si quid servitii dando de suo ulterius prædictis fecerint, gratia, non debitum, reputetur. Et ordinat quod dicti prior et conventus sancti Roberti donatos et rendutos domus de Plantatis, quandiu vixerint, teneant et procurent in victum et vestitum decentibus prout actenus exstitit consuetum. Et ordinat quod dicti prior et conventus sancti Roberti præsentes et posteri dent et solvant annuatim conventui monachorum Cartusiæ unam summatam vini albi, boni et nitidi, solvendam annuatim circa festum sanctorum omnium, ministrandam dicto conventui tempore quo se faciunt minui (5), et quod dictus conventus Cartusiæ priorem et conventum sancti Roberti habeat in suis missis et orationibus recommendatos de gratia speciali. Et vult et ordinat quod prior sancti Roberti et qui pro tempore fuerint, et eleemosinarius per priorem sancti Roberti apud Plantatas ex pacto instituendus ad dandum et distribuendum eleemosinam supradictam et ad recipiendum ibidem illos de ordine Cartusiæ, ut supra dictum est, jurent et jurare teneantur super altare sancti Roberti, quilibet in sui novitate, presente et consentiente conventu sancti Roberti ex pacto et per priorem sancti Roberti evocato ("), vel ejus certi nuntii ad hoc missi, prædicta omnia et singula, quantum eos tangit, se fideliter servaturos, et contra per se vel per alium arte vel machinatione aliqua non venturos; quæ si jurare nollent ambo vel eorum alter, vel jurati, quod Deus auferat, prædicta et singula non attenderent et servarent, vel omissa seu male observata per certa intervalla moniti per dictum nuntium non emendarent, vult et ordinat et statuit dictus frater Symeon quod ex tunc in pœnam prædictæ contumaciæ sive rebellionis, prius cognitione facta sine strepitu judicii per præpositum sancti Andrea Gratianopolitani qui pro tempore fuerit, quem ad cognoscendum de dicta contumacia sive rebellione partes prædictæ ex nunc ut ex tunc sibi eligunt in arbitrum, quem etiam si de prædictis nollet ut supradictum est cognoscere, posset ad hoc eum compellere episcopus Gratianopolitanus, dicti prior et conventus sancti Roberti qui pro tempore fuerint cadant et committant pœnam triginta librarum viennensium erga domum Cartusiæ et expensarum factarum pro dicta cognitione prosequenda, de quibus stetur dicto bonæ fidei prioris Cartusiæ; quam pœnam possit prior Cartusiæ per se vel per alium levare et exigere a priore et conventu sancti Roberti, si eam ut supra commiserit, vel cui voluerit levandam dare, et quod prædicta pœna toties committatur quoties contra prædicta vel eorum aliqua per priorem et conventum sancti Roberti vel eorum alterum ut supra ventum fuerit, prædictis ordinationibus nihilominus in suo robore remansuris. Item ordinat quod si aliquo tempore dicti priorissa, conventus et vicarius Premogniæ dictum locum de Hemosco alienarent aliquo alienationis titulo, quod domus sancti Roberti dictum locum habeat si voluerit pro prætio quod pro vero ab aliquo alio offerretur, et quod si prædicta alienatio aliquo tempore fieret, quod tunc, ante dictam alienationem et in ea, prædicti priorissa, conventus et vicarius dictum locum de Hemosco cum suis juribus nomine prioris et conventus sancti Roberti possideant et teneantur tunc confiteri se nunc dictum locum eorum nomine possidere. Item retinet dictus frater Simeon, dictis partibus in dicta retentione sibi gratis consentientibus, quod possit in prædictis omnibus et singulis capitulis et circa ea et de eis, infra annum, prout sibi videbitur, addere, diminuere, corrigere, reformare et ea firmare et firmari facerc, adeo quod sint perpetuo nonobstantibus exceptionibus quibuslibet valitura, et quod possit quandiu vixerit dubia, si quæ in prædictis et circa ea vel eorum aliquid emerserint, declarare, et ejus declaratio, additio, diminutio, correctio et reformatio valeant et eumdem robur obtineant ac si a principio fuissent per eum ordinata et a partibus approbata. Item ordinat et præcipit quod dictæ partes præsentes ordinationes prout scriptæ sunt et sanius possunt pro parte obediente intelligi, sigillent sigillis quibus utuntur pro se et conventibus suis, et insuper prior sancti Roberti sigillo venerabilis abbatis Casa Dei et prior Cartusiæ sigillo sui capituli generalis faciant sigillari, et rogent per præsentes litteras illustres personas dominum Humbertum Dalphinum Viennensis comitatus et Albonis dominumque de Turre et dominam Annam ejus consortem, et reverendum in Christo patrem dominum G. Dei gratia Gratianopolitanum episcopum ut sigilla sua huic publico instrumento apponi faciant in majus robur et testimonium præmissorum..... Prædicta autem omnia recitata et approbata ut supra in mei notarii et testium infrascriptorum et prioris et conventus sancti Roberti et per eos approbata ut supra anno ab incarnatione Domini ejusdem millesimo tercentesimo indictione decima tertia octavo idus februarii, apud sanctum Robertum, in claustro sancti Roberti, testibus præsentibus fratre Guidone priore excubiarum, fratre Joanne vicario Premogniæ, Ponthano Guinimandi, Hugone Bonis, Petro Guidonis, fratre Guigone Monerii et fratre Petro Ruffi; et recitata et approbata ut supra in præsentia mei notarii et testium infrascriptorum et priorissæ conventus et vicarii Premogniæ, anno et indictione quibus supra sexto idus februarii apud Premegniam, in capitulo, præsentibus testibus domino Hugone priore sancti Roberti, domino Humberto Vachi priore sanctæ Helena, domino Malleno priore de Ripis, Asselmo de Ripis, et Peroneto Mariaysii. Et recitata et approbata in præsentia mei notarii et testium infrascriptorum ut supra et prioris et conventus Cartusiæ, anno et indictione quibus supra pridie idus februarii apud Cartusiam in claustro, præsentibus testibus Jacobo de Eyma, Joanne de Alto Vilario et Petro Daurieys, novitiis domus Cartusiæ. Nomina vero prioris et conventus sancti Roberti sunt hæc dominus Hugo prior sancti Roberti, dominus Hugo infirmarius dicti loci, dominus P. de Montorgue eleemosinarius, dominus Humbertus Vachi prior sanctæ Elenæ, Artaudus prior sancti Martini de Hostunduno, Guillelmus Goteschardi, Bertrandus Vigili, Guillelmus Dorgelli, Artaudus Troncheti, Artaudus de Vacheyrolis, Hugo Chacuysat, Guigo Vachi, Guillelmus de sancto Romano, Hugo de Combetis, et Franciscus de Lany (7). Nomina |