J

ENCOMIUMS UPON MILTON.

IN

PARADISUM AMISSAM SUMMI POETÆ

JOHANNIS MILTONI.

SAMUELE BARROW, M. D. AUCTORE.

Qui legis Amissam Paradisum, grandia magni
Carmina MILTONI, quid nisi cuncta legis?
Res cunctas, et cunctarum primordia rerum,
Et fata, et fines, continet iste liber.
Intima panduntur magni penetralia mundi,
Scribitur et toto quicquid in orbe latet:
Terræque, tractúsque maris, cœlúmque profundum,
Sulphureumque Erebi, flammivomúmque specus:
Quæque colunt terras, pontúmque, et Tartara cæca,
Quæque colunt summi lucida regna poli:

Et quodcunque ullis conclusum est finibus usquam,
Et sine fine Chaos, et sine fine Deus;

Et sine fine magis, si quid magis est sine fine,
In Christo erga homines conciliatus amor.
Hæc qui speraret quis crederet esse futurum?
Et tamen hæc hodiè terra Britanna legit.
O quantos in bella duces! quæ protulit arma!
Quæ canit, et quantâ prælia dira tubâ!
Cœlestes acies! atque in certamine cœlum!
Et quæ cœlestes pugna deceret agros!

Quantus in æthereis tollit se Lucifer armis !
Atque ipso graditur vix Michaële minor!
Quantis, et quàm funestis concurritur iris,
Dum ferus hic stellas protegit, ille rapit !
Dum vulsos montes ceu tela reciproca torquent,
Et non mortali desuper igne pluunt:
Stat dubius cui se parti concedat Olympus,
Et metuit pugnæ non superesse suæ.
At simul in cœlis Messiæ insignia fulgent,
Et currus animes, armáque digna Deo,
Horrendúmque rotæ strident, et sæva rotarum
Erumpunt torvis fulgura luminibus,

Et flammæ vibrant, et vera tonitrua rauco
Admistis flammis insonuere polo:
Excidit attonitis mens omnis, et impetus omnis,
Et cassis dextris irrita tela cadunt;

Ad pœnas fugiunt; et, ceu foret Orcus asylum,
Infernis certant condere se tenebris.
Cedite, Romani Scriptores; cedite, Graii;
Et quos fama recens vel celebravit anus.
Hæc quicunque leget tantùm cecinisse putabit
Mæonidem ranas, Virgilium culices.

ON PARADISE LOST.

BY ANDREW MARVELL.

WHEN I beheld the Poet blind, yet bold,
In slender book his vast design unfold,
Messiah crown'd, God's reconcil'd decree,
Rebelling Angels, the forbidden-tree,