EDITIONIS QUARTAE PRAEFATIO.

UARTAM hanc Corollae editionem prelo submittimus dolentes ex animo eum qui ter huic operi praefuit non hodie quoque praeesse. Utinam in nobis esset, qua ille orationis humanitate Iacobi Riddell dulcissimam memoriam olim prosecutus est, eadem nostro ipsius desiderio satisfacere.

Minime vero suspicentur lectores hancce editionem, illius obitu mancam, minus idcirco ab ulla parte absolutam in publicum prodire. Noster enim, quae erat illi mirifica industria et prope incredibilis Musarum amor, huic libello augendo et emendando paene ad extremum aetatis iam ingravescentis diem diligentissime incubuit. Illum igitur, talem virum, quisnam omnium, quibus huiusmodi carmina cordi sunt, non in omnem commendare memoriam velit, inter criticos et grammaticos primarium, inter poetas elegantissimum, inter praeceptores omni laude maiorem ?

Nobis profecto nihil superest nisi flores ab illo decerptos colligare, et hanc Corollam tanquam μνημόσυνον τοῦ μакapírov in manus Salopiensium eo libentius tradere quo prioribus multo locupletior sit typisque melioribus. distinctior, ideoque omnibus Musarum amicis magis se commendatura.

H. H.
R. D. A. H.

DE HORTULIS EX QUIBUS FLORES

DEPROMPTI SUNT.

CHOLAM REGIAM SALOPIENSEM fundavit Rex
Eduardus Sextus A.S. MDLI. eamque primum

Liberam esse voluit (id est, Chartulatam eaque libertate donatam, ut nulli neque Ecclesiae neque Collegio obnoxia esset) deinde Grammaticalem, ut Litteris docendis inserviret. Vectigalia eius auxit Elisabetha Regina, eamque ita legibus bonis firmavit ut Publica esset et civibus universis pateret. Itaque Archididascalus eius primus Thomas Astonus, vir egregius, novem annis discipulos inscripsit Oppidanos ducentos et triginta, Alienos autem septingentos: quorum illustrissima duo nomina sunt, Philippus Sidney et Fulke Greville.

'Philippus Sidney, filius et heres Henrici Sidney, Militis, de Penshurst in Comitatu Cantiae, necnon Serenissimi Ordinis Garterii Militis,' Regiae Scholae Salopiensis ordinibus adscriptus est a. d. xvi. Cal. Nov. A. S. MDLXIV. Pro Batavorum libertate pugnans cecidit artium centum iuvenis A.S. MDLXXXvi. (P. S.)

'Fulke Gryvill, filius et heres Fulki Gryvill, Armigeri, de Beauchamp Court in Comitatu Varvici,' Regiae Scholae Salopiensis ordinibus adscriptus est a. d. xvi. Cal. Nov.

A. S. MDLXIV., qui, cum titulo et dignitate Baronis Brook insignitus esset, homicidae manu scelesta cecidit A. s. MDCXXVIII.: vir probus et sagax, poeta subtilis, Elisabethae Reginae inter Ministros, Iacobo Regi e Consiliis Intimis, et Philippi Sidneii amicus. (B.)

Insequenti saeculo Scholam illustravit inter alios Georgius Savile, Marchio de Halifax, vir ornatissimus civis integerrimus: proximo autem Ioannes Taylor, S.T.P. qui Demosthenis orationes edidit, et Eduardus Waring, A.M. Mathematicus insignis, in Academia Cantabrigiensi Professor Lucasianus.

Catalogum subiecimus eorum, qui Flores ad Sabrinae Corollam contulerunt: Salopiensium anonymorum carmina designant litterae S.A.

Edward Meredith Cope. . Trinity Coll.

C.

E. M. C.

0.

G. F. H.

O. J. F.